Monday, May 7, 2012

ညင်သာစွာ ပဋိပက္ခဖြစ်ပွားခြင်း

ညရဲ့တိတ်ဆိတ်မှုက အတိတ်ရနံ့ကိုသယ်ဆောင်လာတယ်
 ကြယ်တွေရွာတဲ့ကောင်းကင်မှာလည်း
တိမ်သွားသလိုလို လသွားသလိုလိုနဲ့ပေါ့
တကယ်တမ်းတော့
လေကစားရာကိုပဲ ရွေ့လျားနေရတာ

မိုးလင်းတဲ့အခါ အနားယူတော့မယ့် လက
အကျီစယ်ခံချင်တဲ့ တိမ်ဂွမ်းဆိုင်တွေရေ
စကြ၀ဠာအဆုံးထိ ရွေ့ပေတော့တဲ့

ငါလည်း ငါ့အတ္တနဲ့ငါ
ညင်သာစွာ ပဋိပက္ခဖြစ်ပွားရင်း...
ငါ့ဝိဥာဉ်လည်း ငါ့ဆီကမခွာပဲ
လေညင်းလေးတွေထဲ ဝေ့၀ဲရင်း...။            ။ Type rest of the post here

ဆက်ဖတ်မယ်

Thursday, March 29, 2012

ရည်မှန်းချက်၊ ခံယူချက်နဲ့ လျှောက်မည့်လမ်း


ရည်ရွယ်ကာထား ပန်းတိုင်များကား
ဝင့်ဝင့်ကြွားကြွားရှိပါ၏။
လျှောက်ရမည့်လမ်း ခရီးကြမ်းလည်း
ပင်ပင်ပမ်းပမ်း ရှိပါ၏။
ပန်းတိုင်ရောက်ရန် လမ်းစဉ်မှန်သမျှ
သူတော်တရား မဖောက်ပြားဘဲ
စွန့်စွန့်စားစား လျှောက်လှမ်းသွားဖို့
စိတ်ဆန္ဒအား ရှိပါ၏။

တစ်ဘ၀စာ ဒီခန္ဓာအတွက်
ဤသို့ရည်မှန်း ပန်းတိုင်နန်းကား
တိုင်းသူပြည်သား လူအများတို့
အကျင့်သိက္ခ စာရိတ္တနှင့်
ပြည့်ဝစုံလင် ပညာသင်လျက်
ကိုယ့်တိုင်းကိုယ့်ပြည် ကိုယ့်ဌာနီကို
ကိုယ်စီကိုယ်ငှ ကိုယ့်ဘ၀ဖြင့်
ပိုင်နိုင်ကျစ်လစ် တည်ခြင်းဖြစ်၏။

ရဟန်းဘ၀ တစ်သက်မျှတွင်
မှီခိုမရှိ လွတ်လပ်ဘိသဖြင့်
မှန်ကန်သည့်အား အကျိုးများလျှင်
ထောက်ထားစရာ မျက်နှာမရှိ
ဂတိမပါ ယုံကြည်ရာကို
ထိရောက်မိစွာ ဆောင်နိုင်ပါ၏။
ရည်ရွယ်ရာလမ်း လျှောက်နိုင်စွမ်းဖို့
အခါမလင့် လုပ်ပိုင်ခွင့်ကို
မငြင်မငြို ရလိုပါ၏။

လျှောက်လှမ်းရာလမ်း ခရီးကြမ်းတွင်
ဝေဖန်ရှုံ့ချ ချီးကျူးသမျှကို
အထောက်အကူ ထင်မှတ်ယူလျက်
တူရူပန်းတိုင် ငါရောက်နိုင်အောင်
စိတ်ခိုင်ခိုင်ထား ငါကြိုးစားဖို့
ယောင်္ကျားသတ္တိ မွေးပါ၏။
Type rest of the post here

ဆက်ဖတ်မယ်

Tuesday, March 20, 2012

စည်းဝေးဆွေးနွေးခြင်းငှာ သင့်လျော်သည့် ပုဂ္ဂိုလ် သို့မဟုတ် အဖွဲ့အစည်းတစ်ခု၏ စံများ


ရဟန်းတို့ စကား နှီးနှောမိခြင်းဖြင့် ပုဂ်္ဂိုလ်ကို “ဆွေးနွေးသင့်သူဟူ၍သော်လည်းကောင်း၊ မဆွေးနွေး
သင့်သူ ဟူ၍သော် လည်းကောင်း” သိအပ်၏။ ရဟန်းတို့ ဤပုဂ်္ဂိုလ်သည် ပြဿနာကို မေးအပ်သော်
တိုက်ရိုက် ဖြေဆိုရမည်ဖြစ်သော ပြဿနာကို တိုက်ရိုက်အားဖြင့် အကယ်၍ မဖြေဆိုငြားအံ့၊ ဝေဖန်၍
ဖြေဆိုရမည် ဖြစ်သော ပြဿနာကို ဝေဖန်၍ မဖြေဆိုငြားအံ့၊ တဖန် ပြန်မေး၍ ဖြေဆိုရမည်ဖြစ်သော
ပြဿနာကို တဖန် ပြန်မေး၍ မဖြေဆိုငြားအံ့၊ (မဖြေဆိုဘဲ) ထားရမည် ဖြစ်သော ပြဿနာကို
(မဖြေဆိုဘဲ) မထားငြားအံ့၊ ရဟန်းတို့ ဤသို့ ဖြစ်လတ်သော် ဤပုဂ်္ဂိုလ်သည် မဆွေးနွေးသင့်သော
ပုဂ်္ဂိုလ်မည်၏။ ရဟန်းတို့ ဤပုဂ်္ဂိုလ်သည် ပြဿနာကို မေးအပ်သော် တိုက်ရိုက် ဖြေဆိုရမည် ဖြစ်သော
ပြဿနာကို တိုက်ရိုက် အားဖြင့် အကယ်၍ ဖြေဆိုအံ့၊ ဝေဖန်၍ ဖြေဆိုရမည်ဖြစ်သော ပြဿနာကို
ဝေဖန်၍ ဖြေဆိုအံ့၊ တဖန် ပြန်မေး၍ ဖြေဆိုရမည် ဖြစ်သော ပြဿနာကို တဖန် ပြန်မေး၍ ဖြေဆိုအံ့၊
(မဖြေဆိုဘဲ) ထားရမည် ဖြစ်သော ပြဿနာကိုလည်း (မဖြေဆိုဘဲ) ထားအံ့။ ရဟန်းတို့ ဤသို့
ဖြစ်လတ်သော် ဤပုဂ်္ဂိုလ်သည် ဆွေးနွေးသင့်သော ပုဂ်္ဂိုလ်မည်၏။

ရဟန်းတို့ စကား နှီးနှောမိခြင်းဖြင့် ပုဂ်္ဂိုလ်ကို “ဆွေးနွေးသင့်သူ ဟူ၍ လည်းကောင်း၊ မဆွေးနွေး
သင့်သူ ဟူ၍ လည်းကောင်း” သိအပ်၏။ ရဟန်းတို့ ဤပုဂ်္ဂိုလ်သည် ပြဿနာကို မေးအပ်သော်
အကြောင်း ဟုတ်သည် မဟုတ်သည်၌ အကယ်၍ မတည်အံ့၊ ကြံဆအပ်သော အရာ၌ အကယ်၍
မတည်အံ့၊ သိရမည့် ၀ါဒ၌ အကယ်၍ မတည်အံ့၊ (ဖြေဆိုရမည့်) ကျင့်ဝတ်၌ အကယ်၍ မတည်အံ့၊
ရဟန်းတို့ ဤသို့ ဖြစ်လတ်သော် ဤပုဂ်္ဂိုလ်သည် မဆွေးနွေးသင့်သော ပုဂ်္ဂိုလ်မည်၏။ ရဟန်းတို့
ဤပုဂ်္ဂိုလ်သည် ပြဿနာကို မေးအပ်သော် အကြောင်းဟုတ်သည် မဟုတ်သည်၌ အကယ်၍ တည်အံ့၊
ကြံဆအပ်သော အရာ၌ အကယ်၍ တည်အံ့၊ သိရမည့်ဝါဒ၌ အကယ်၍ တည်အံ့၊ (ဖြေဆိုရမည့်)
ကျင့်ဝတ်၌ အကယ်၍ တည်အံ့။ ရဟန်းတို့ ဤသို့ ဖြစ်လတ်သော် ဤပုဂ်္ဂိုလ်သည် ဆွေးနွေးသင့်သော
ပုဂ်္ဂိုလ်မည်၏။

ရဟန်းတို့ စကား နှီးနှောမိခြင်းဖြင့် ပုဂ်္ဂိုလ်ကို “ဆွေးနွေး သင့်သူ ဟူ၍ လည်းကောင်း၊ မဆွေးနွေး
သင့်သူ ဟူ၍ လည်းကောင်း” သိအပ်၏။ ရဟန်းတို့ ဤပုဂ်္ဂိုလ်သည် ပြဿနာကို မေးအပ်သော် စကား
တစ်ခုဖြင့် စကားတစ်ခုကို အကယ်၍ ဖုံးကွယ်အံ့ (ဝေ့လည်ချောင်ပတ်လုပ်အံ့)၊ အပြင်စကားကို ဆောင်၍ ပယ်အံ့ (မရောင်ရာ ဆီလူးအံ့)၊ စိတ်ဆိုးခြင်း
အမျက်ထွက်ခြင်း မနှစ်သက်ခြင်းကိုလည်း ထင်စွာပြုအံ့ (မိမိ၏အားနည်းချက်ကိုထိသဖြင့် ဒေါသဖြစ်အံ့)၊ ရဟန်း တို့ ဤသို့ ဖြစ်လတ်သော် ဤပုဂ်္ဂိုလ်
သည် မဆွေးနွေးသင့်သော ပုဂ်္ဂိုလ်မည်၏။ ရဟန်းတို့ ဤပုဂ်္ဂိုလ်သည် ပြဿနာကို မေးအပ်သော် စကား
တစ်ခုဖြင့် စကားတစ်ခုကို အကယ်၍ မဖုံးကွယ်အံ့၊ အပြင်စကားကို ဆောင်၍ မပယ်အံ့၊ စိတ်ဆိုးခြင်း
အမျက် ထွက်ခြင်း မနှစ်သက်ခြင်း ကိုလည်း ထင်စွာ မပြုအံ့၊ ရဟန်းတို့ ဤသို့ ဖြစ်လတ်သော်
ဤပုဂ်္ဂိုလ်သည် ဆွေးနွေး သင့်သော ပုဂ်္ဂိုလ်မည်၏။

ရဟန်းတို့ စကား နှီးနှောမိခြင်းဖြင့် ပုဂ်္ဂိုလ်ကို “ဆွေးနွေးသင့်သူ ဟူ၍ လည်းကောင်း၊ မဆွေးနွေး
သင့်သူ ဟူ၍ လည်းကောင်း” သိအပ်၏။ ရဟန်းတို့ ဤပုဂ်္ဂိုလ်သည် ပြဿနာကို မေးအပ်သော်
အကယ်၍ (ပါဠိပါဌ်သားရွတ်ဖတ်၍) လွှမ်းမိုးအံ့ (လူအများနားမလည်နိုင်သော ပညာရပ်အသုံးအနှုံးများသုံးခြင်း)၊ (အကြောင်းပြ၍) ဖိနှိပ်အံ့၊ (မေးသူ့စိတ်၌ သံသယ
ရှိလာအောင်) ပြင်းစွာ ရယ်အံ့ (သရော်သည့်သဘော)၊ အနည်းငယ် ချွတ်ယွင်းသည်ကို အမှားဖမ်းအံ့။ ရဟန်းတို့
ဤသို့ဖြစ်လတ်သော် ဤပုဂ်္ဂိုလ် သည် မဆွေးနွေးသင့်သော ပုဂ်္ဂိုလ် မည်၏။ ရဟန်းတို့ ဤပုဂ်္ဂိုလ်သည်
ပြဿနာကို မေးအပ်သော် အကယ်၍ (ပါဠိပါဌ်သား ရွတ်ဖတ်၍) မလွှမ်းမိုးအံ့၊ (အကြောင်းပြ၍)
မဖိနှိပ်အံ့၊ (မေးသူ့စိတ်၌ သံသယ ရှိလာအောင်) ပြင်းစွာ မရယ်အံ့၊ အနည်းငယ် ချွတ်ယွင်းသည်ကို
အမှား မဖမ်းအံ့။ ရဟန်းတို့ ဤသို့ ဖြစ်လတ် သော် ဤပုဂ်္ဂိုလ်သည် ဆွေးနွေးသင့်သော ပုဂ်္ဂိုလ်မည်၏။
(အ-၃ ကထာဝတ္ထုသုတ်)

ဆက်ဖတ်မယ်

Monday, March 19, 2012

ဘ၀


ဒို့ညီအကို ဒီလိုအိပ်မောကျ
အိပ်မက်လှလှထဲမှာ
ဆင်းရဲဒုက္ခဆိုတာမရှိဘူး။

အားအင်တွေ ပျက်နေရင်
တယောက်ကို တယောက်
ဒီလိုဖက် အိပ်မက်ပြင်းပြင်းထဲမှာ
ဒို့…ထမင်းမငတ်ဘူး။

နေပြင်းတွေပူချင်ပူ
မိုးရေတွေ စိုချင်စို
အိပ်မက်ချိုချိုထဲမှာ မင်းမငိုရဘူး။

မနက် စောချင်စော
နေ့ လင်းချင်လင်း
ည ချုပ်ချင်ချုပ်
ပစ္စုပ္ပန်အိပ်မက်ထဲမှာ
ဒို့အတွက်…
အတိတ်မရှိဘူး၊ အနာဂတ်မရှိဘူး။

အဆင်ပြေခြင်းခဏတွေ ရပ်တန့်
အိပ်မက်တွေက လန့်နိုးတဲ့အခါ
အလှတရားမရှိတဲ့
ဘ၀ခါးခါးကို ရင်ဆိုင်ဖို့ပြင်ရင်း
ကံကြမ္မာနဲ့ဒို့ တိုက်ပွဲဝင်ကြတာပေါ့ကွာ။
"

ဆက်ဖတ်မယ်

Blogger template 'CoolingFall' by Ourblogtemplates.com 2008